Sunnudaginn 4. október kl. 10–14 fer fram Íslandsmeistaramót fullorðinna í kata. Nær allir þjálfarar Þórshamars verða keppendur á mótinu og falla æfingar 1.–3. flokks því niður vegna mótsins. Þórshamar á Íslandsmeistaratitil félaga að verja og má búast við hörkumóti, en fremsta katafólk landsins verður á staðnum.
Mótið fer fram í íþróttahúsi Fylkis (við Árbæjarlaug – EKKI í Norðlingaholti). Eins og COVID-staðan er núna eru áhorfendur heimilir á mótinu, innan fjöldatakmarkana. Húsið er rúmgott og það ætti að vera nóg pláss til að halda góðri fjarlægð frá öðrum. Mótið verður einnig sent út á Youtube-rás Karatesambandsins.
Við hvetjum ykkur til að fylgjast með mótinu á þann hátt sem þið treystið ykkur til, að gæta ýtrustu sóttvarna og auðvitað að klæðast rauðu og svörtu og hvetja Þórshamar til dáða!
Áfram Þórshamar!
Comments