Aðalsíða

  Næsta byrjendanámskeið?

  Algengar spurningar

19.08.2010

Byrjendanámskeiðin eru að hefjast Byrjendanámskeið barna og fullorðinna hefjast þriðjudaginn 24. ágúst og byrjendanámskeið unglinga hefjast miðvikudaginn 25. ágúst. Tekið verður við nýliðum fram til septemberloka og að venju er boðið upp á frían prufutíma fyrir alla aldurshópa. Vinsamlegast smellið á hnappinn hér að neðan til að skrá ykkur á byrjendanámskeið!

18.08.2010

Haustdagskráin hefst mánudaginn 23. ágúst Æfingar hefjast á fullu skv. hauststundaskránni mánudaginn 23. ágúst. Byrjendanámskeið barna og fullorðinna hefjast þriðjudaginn 24. ágúst og byrjendanámskeið unglinga hefjast miðvikudaginn 25. ágúst. Það verður einvalalið sem sér um þjálfun sem endranær. Ásmundur Ísak Jónsson, yfirþjálfari Þórshamars, snýr nú aftur eftir árs fjarveru og Bjarni Kærnested kennir nú einu sinni í viku eftir nokkurra ára hlé. Aðrir þjálfarar verða Jón Ingi Þorvaldsson, Sólveig Krista Einarsdóttir, Tómas Lee Róbertsson, Hekla Helgadóttir og Bjarki Mohrmann. Auk þess fáum við nokkra gestaþjálfara í heimsókn, m.a. sensei Ken Hassell, sem kemur í fyrstu vikunni í september en hann kom síðast í heimsókn til okkar fyrir 7 árum síðan. Sensei Rune Nilsen kemur 13. september, sensei Poh Lim verður hjá okkur fyrstu vikuna í október og vonandi tekst okkur að fá sensei Lars Henriksen til að kíkja í heimsókn líka. Nokkrar breytingar verða á stundatöflunni hjá okkur. Helstu breytingar felast í því að 1. og 2. flokkur fullorðinna æfa nú sitt í hvoru lagi enda hefur fjölgað í þeim flokkum jafnt og þétt á undanförnum árum. Efri mörk 1. flokks verða færð upp í 1. kyu þ.a. Meistaraflokkur verður einskorðaður fyrir svartbeltinga og keppnisfólk félagsins. Ennfremur verður framhaldshóp barna skipt í tvo hæfilega stóra hópa sem hvor um sig æfir tvisvar í viku. Og að lokum má nefna að við fjölgum nú hádegis-púl-æfingunum í tvær og verður ketilbjöllunum sveiflað á þeim af miklum móð. Sjáumst á æfingu!!!

16.08.2010

Haustgráðun 23. ágúst Þá er komið að því að uppskera árangur erfiðisins í sumar og mæta í gráðun. Klukkan 19:00 mánudaginn 23. ágúst verður klukkutíma æfing fyrir alla framhaldshópa fullorðinna og gráðun fyrir þá sem æft hafa í sumar hefst síðan í beinu framhaldi klukkan 20:00. Vinsamlegast skráið ykkur í gráðunina með því að senda póst á thorshamar@thorshamar.is svo allt verði tilbúið á réttum tíma. Munið eftir gráðunarbókinni og 1000 kr. gráðunargjaldinu.

15.08.2010

Þórshamar auglýsir eftir rekstrarstjóra Karatefélagið Þórshamar óskar eftir að ráða drífandi einstakling í starf rekstrarstjóra frá og með 1. september 2010. Um er að ræða u.þ.b. 20% starf að jafnaði. Getur hentað háskólafólki vel þar sem mesta álagið er í upphafi hverrar annar en lítið álag þegar mest á reynir í skólanum. Rekstrarstjóri sér um daglegan rekstur félagsins og ber m.a. ábyrgð á eftirfarandi... Lesa nánar...

27.07.2010

Frábær mæting á Karate Kid forsýningu Það voru 300 Þórshamarskrakkar (á öllum aldri) sem fjölmenntu á sérstaka forsýningu sem haldin var í kvöld fyrir okkur. Frítt var á sýninguna fyrir alla iðkendur, vini og vandamenn og stór hluti gesta mætti í fullum herklæðum eins og sjá má á meðfylgjandi myndum. Við þökkum Senu kærlega fyrir að bjóða okkur í bíó og hvetjum alla til að sjá þessa stórskemmtilegu mynd.

27.07.2010

Allir í Þórshamri frítt á Karate Kid! Sena býður okkur öllum á Karate Kid, daginn fyrir frumsýningu. Vinir og vandamenn velkomnir með! Þriðjudag, 27. júlí kl 20:00 verður sérstök forsýning fyrir okkur á endurgerð myndarinnar Karate Kid. Mæting í Smárabíó kl 19:30 Öll sem eru ný í Þórshamri og eru á sumarnámskeiðum eru sérstaklega velkomin Skáning á thorshamar@thorshamar.is Ef þú vilt mæta sendu þá póst á thorshamar@thorshamar.is og taktu fram fjölda. Allir eru hvattir til að mæta í karategöllum.

09.06.2010

Karate-sumar-leikjanámskeið Í sumar munum við brydda upp á þeirri nýbreytni að bjóða upp á karate leikjanámskeið fyrir börn á aldrinum 6-12 ára óháð því hvort eða hvar þau hafa æft karate áður. Hvert námskeið er í 2 vikur í senn, frá kl. 9-16 en þau verða í höndum þriggja helstu þjálfara félagsins, þeirra Heklu Helgadóttur, Malte Bjarka Mohrmann og Diljár Guðmundardóttur. Nánari upplýsingar má finna með því að smella á myndina hér fyrir neðan.

14.05.2010

Sumardagskráin hefst á mánudag! Við minnum á að nú æfa allir fullorðnir saman og eru æfingarnar reyndar opnar öllum allt niður í 12 ára aldur í sumar. Í kvöld er síðasta föstudagsæfingin en þá æfa allir saman kl. 19:00, engar æfingar á morgun, laugardag, og svo byrjar sumardagskráin á mánudag. Sumardagskráin verður með örlítið breyttu sniði, við sleppum föstudögunum (sem yfirleitt hafa verið heldur dræmir á sumrin) og æfum á fimmtudögum í staðinn. Semsagt, dagskráin verður á þessa leið: Mánudagar kl. 19:00 Þriðjudagar kl. 19:00 (púlæfing!) Miðvikudagar kl. 19:00 Fimmtudagar kl. 19:00 Allir 12 ára og eldri velkomnir á allar æfingar óháð gráðu!

10.05.2010

Vorferðir barna- og unglingahópa Næstkomandi fimmtudag, 13. maí verður farið í húsdýragarðinn með barnahópana og klifurhúsið með unglingahópana. Barnahópar: - Mæta kl. 11:00 fyrir framan Húsdýragarðinn - Grillum kl. 13:00 hjá grillunum í Fjölskyldugarðinum - Áætluð lok kl. ca 13:30 - Kostar 500 kr. fyrir börn (matur innifalinn) - Frítt fyrir foreldra og/eða forráðamenn - Mælst er til þess að einn fullorðinn sé með hverjum 2 börnum Unglingahópar: - Mæta kl. 15:00 í Kilfurhúsið, Skútuvogi 1G - Förum aftur í Þórshamar um kl. 16:30, hjálp við skutl er vel þegin :) - Grillum í kringum 17:00 á Miklatúni ef veður leyfir, foreldrar velkomnir með - Kostar 800 kr fyrir unglinga (matur innifalinn) - Frítt fyrir foreldra (í grillið) Vinsamlegast greiðið við skráningu. Skráning fer fram í afgreiðslu hjá Agnesi, eða með því að millifæra á reikning 526-26-401454, kt: 411182-0619 og senda staðfestingu með nafni barnsins sem borgað er fyrir sem skýringu á thorshamar@thorshamar.is.

06.05.2010

Dagskrá næstu daga Nú líður að lokum vorannar og þá verða ýmsar breytingar á dagskránni hjá okkur. Dagskrá næstu daga verður eftirfarandi: Laugardagur 8. maí 10:10 Foreldraæfing - byrjendahópur barna 11:00 Foreldraæfing - framhaldshópur barna 11:30 Foreldrafundur 12:00 Vormót Þórshamars í kumite (mæting kl. 12:00, mótið hefst kl. 12:20) ath. að æfing byrjendaflokks fullorðinna kl. 13 fellur niður. Mánudagur 10. maí 17:10 Lokaæfing 2. flokks unglinga 18:00 Lokaæfing 1. flokks unglinga 19:00 1+2+M flokkar sameinast frá og með þessum degi Þriðjudagur 11. maí 17:10 Lokaæfing hjá framhaldshóp barna 18:00 Lokaæfing í kumite Miðvikudagur 12. maí 18:00 Lokaæfing Gullkálfa 19:00 1+2+M flokkur æfa saman Fimmtudagur 13. maí Vorferð barna og unglingaflokka (frí frá æfingum) Föstudagur 14. maí 19:00 1+2+M flokkur æfa saman Og svo tekur sumardagskráin við...

Eldri fréttir...